Yaponiya Liberal demokratik partiyasi rahbari Sanae Takaiti mamlakat tarixidagi ilk ayol bosh vazir etib saylandi, deb yozadi mahalliy OAV.

64 yoshli Sanae Takaiti Parlament saylovlarida 237 ovoz bilan gʻalaba qozonib, Yaponiyaning 104-bosh vaziri boʻldi. U milliy anʼanalarni yoqlaydigan, iqtisodiy erkinlikni qoʻllab-quvvatlaydigan konservativ siyosatchi sifatida tanilgan.

Bugun tasdiqlanish marosimidan keyin Yaponiya imperatori Naruxito tomonidan rasman tuzilgan hukumatning yangi tarkibi eʼlon qilinadi.

Avvalroq Yaponiyaning Sigeru Isiba boshchiligidagi toʻliq hukumat tarkibi isteʼfo eʼlon qilgani maʼlum boʻlgan edi. Isiba bu lavozimda bir yildan koʻproq xizmat qilgan.