O‘zbekistonda 2024-yilda 926.4 ming nafar chaqaloq dunyoga kelgan. Bu degani: ortda qolgan yilning har bir kunida – 2531 nafar, har soatida – 105 nafar, har daqiqasida – 2 nafar, har 34 soniyasida – 1 nafar chaqaloq tug‘ilgan.

Qiyoslash uchun, har daqiqada Qozog‘istonda – 0.6 nafar, Tojikistonda – 0.5 nafar, Qirg‘izistonda – 0.3 nafar, Turkiyada – 3 nafar, Germaniya va Fransiyada – 1.4 nafardan, Xitoyda – 17.1 nafar, Hindistonda – 43.6 nafar chaqaloq tug‘iladi.

Xabarda aytilishicha, bu shunchaki statistika emas. Bu raqamlar O‘zbekistonda oila institutining mustahkamlanayotgani, yoshlar ulushining yuqoriligi, demografik dividend davri davom etayotgani va kelgusida mehnat bozori, ta’lim va ijtimoiy infratuzilmaga bo‘lgan talab oshishini anglatadi.