Taras Shevchenko ko‘chasi 20-oktyabrgacha transport vositalari harakati uchun yopiladi. Bu haqda Mirobod tumani hokimligi xabar berdi.

Ushbu sanalarda Taras Shevchenko ko‘chasida gastronomik-ko‘ngilochar festival o‘tkaziladi. Shu munosabat bilan:

- Taras Shevchenko ko‘chasining Fidokor ko‘chasi kesishmasidan Nukus ko‘chasi kesishmasigacha,
- Sayyid Baraka ko‘chasining Oybek ko‘chasi kesishmasidan Amir Temur shoh ko‘chasigacha bo‘lgan qism 16-oktyabr soat 16:00 dan 20-oktyabr soat 07:00 gacha barcha transport vositalari harakati uchun yopiladi.

Ko'rsatilgan davrda muqobil yo‘nalishlardan foydalanish tavsiya etilgan.