Xabar berilishicha, voqea joriy yilning 7-oktabr kuni tungi soat 00.05 da sodir bo‘lgan. Toshkent shahri Yunusobod tumanidan oqib o‘tuvchi “Bo‘zsuv” kanalida cho‘kayotgan fuqaro ushbu hududda xizmat olib borayotgan gvardiyachilar tomonidan qutqarib olingan. Hodisa joyida tibbiy yordam kelgunga qadar gvardiyachilar jabrlanuvchini suvdan chiqarib olib, dastlabki tibbiy yordamni ko‘rsatgan.

“Olib borilgan dastlabki o‘rganishlar natijasida ushbu fuqaro Toshkent shahrida yashovchi K.K. ekanligi aniqlandi. Hozirgi paytda K.K. shifoxonaga yotqizilgan. Holat yuzasidan tegishli idoralar tomonidan surishtiruv o‘tkazilmoqda”, deyiladi xabarda.