Profilaktik ishlar yakunlanib, yaqin muddat ichida Toshkent metrosining “O‘zbekiston mustaqilligining 30 yilligi” yo‘nalishi o‘z faoliyatini qayta tiklaydi, deb xabar berdi metropoliten matbuot xizmati.

Butun yo‘nalish taxminan 2 oy, ayrim bekatlar 3 oydan ortiq vaqt faoliyat ko‘rsatmadi.

Metropoliten xabarida aytilishicha, poyezdlar harakati va yo‘lovchilar xavfsizligini ta’minlash hamda sifatli xizmat ko‘rsatish maqsadida ushbu yo‘nalishda poyezdlar harakati sinov tariqasida (yo‘lovchilarsiz) bir muddat harakatlanadi.

Sinov jarayonlari muvaffaqiyatli o‘tib, ijobiy xulosa qayd qilinganidan so‘ng, “O‘zbekiston mustaqilligining 30 yilligi yerusti halqa yo‘li” yo‘nalishi taxminan joriy yilning 18-oktyabr sanasidan odatdagi tartibda yo‘lovchilarga xizmat ko‘rsatishni boshlaydi.