Bugun, 16-sentyabr kuni Prezident Shavkat Mirziyoyev Namangan viloyatiga tashrif buyuradi. Bu haqda Prezident matbuot kotibi Sherzod Asadov xabar berdi.

Unga koʻra, 16-17-sentyabr kunlari boʻladigan safar dasturidan sanoat, qishloq xoʻjaligi, energetika va ijtimoiy sohada ishga tushirilgan yangi obyektlar bilan tanishish hamda viloyatni kompleks rivojlantirish masalalari yuzasidan yigʻilish oʻtkazish oʻrin olgan.

Shuningdek, davlat rahbari “Kambagʻallikdan farovonlik sari” III xalqaro forumining ochilish marosimida ishtirok etadi va nutq soʻzlaydi.