“Milliy tiklanish” demokratik partiyasi birinchi o‘qishda muhokama qilingan qonun loyihasi bilan O‘zbekistonda islomiy bank faoliyatini yo‘lga qo‘yish maqsadida bir qator qonun hujjatlariga tegishli o‘zgartirish va qo‘shimchalar kiritilayotganini ma’lum qildi.

Ta’kidlanishicha, qonun loyihasida O‘zbekistonda islomiy bank va islomiy “darcha”lar faoliyatini yo‘lga qo‘yish, “yashirin” iqtisodiyot ulushini kamaytirish va tizimga xorijiy investitsiyalarni jalb qilish nazarda tutilmoqda.

Fraksiya xabarida yozilishicha, O‘zbekistonda aholining 68 foizi, biznes vakillarining esa 60 foizi diniy e’tiqodi sabab an’anaviy bank xizmatidan foydalanishni xohlamaydi. Ushbu ma’lumot Birlashgan Millatlar Tashkilotining Taraqqiyot Dasturi so‘rovnomasiga asoslangan.