Toshkent viloyatining barcha hududlari poytaxt bilan tezkor elektr poyezdlar orqali bog‘lanadi.

Bunday vazifa 11-sentyabr kuni Shavkat Mirziyoyev tomonidan Toshkent viloyatida islohotlar natijadorligi va yangi rejalar muhokamasi yuzasidan yig‘ilishda topshirildi.

Qayd etilishicha, bu orqali u yerlarda ham yangi uy-joylar, infratuzilma va xizmatlarga talab oshadi, odamlar poytaxtga qatnab ishlashi mumkin bo‘ladi.

Toshkent viloyati hokimi Zoir Mirzayev avvalroq “Hokimlik soati” yig‘ilishida Bekobod shahar, Bekobod tuman, Bo‘ka, Piskent, Nurafshon orqali Toshkent shahriga temiryo‘l loyihasi amalga oshirilishini ma’lum qilgandi.