Foto: Kun.uz

7-sentyabr (yakshanba) kuni Amerika Qo‘shma Shtatlari O‘zbekistonga deportatsiya reysini amalga oshirdi, deb xabar berdi Amerikaning Toshkentdagi elchixonasi.

Ma’lum bo‘lishicha, AQShda qonuniy qolish huquqiga ega bo‘lmagan 39 nafar O‘zbekiston fuqarosini qaytarilgan.

Ushbu parvoz AQSh o‘z chegaralarini mustahkamlash bo‘yicha olib borayotgan davomli harakatlar tizimining navbatdagi qismi hisoblanadi.

Ta’kidlanishicha, AQSh noqonuniy immigratsiyaga barham berish, mamlakat chegaralari va fuqarolarini himoya qilishga qat’iy bel bog‘lagan. Jumladan, mamlakatga noqonuniy kirib kelganlar qamaladi va deportatsiya qilinadi. 

AQSh O‘zbekiston hukumatiga o‘zining deportatsiya jarayonlarini amalga oshirishdagi yaqin hamkorligi uchun chuqur minnatdorchilik bildirdi.