Куни кеча ижтимоий тармоқларда илон ва типратикандан шўрва тайёрлаб сотаётган шахслар акс этган видео тарқалган эди.

Ҳолат Фарғона вилоят Экология, атроф-муҳитни муҳофаза қилиш ва иқлим ўзгариши бошқармаси экологик назорат инспекцияси ҳамда 1-минтақавий ППХ ходимлари томонидан ўрганилди.

Ўрганиш натижасида Олтиариқ туманининг “Зилҳа” МФЙ ҳамда Бувайда туманининг “Бостон бува” МФЙ ҳудудларидаги қум барханларида ҳуқуқбузар томонидан типратикан ҳамда илон ноқонуний сақланиб, шўрва тайёрлаб сотилаётгани аниқланди. 

Ҳолат юзасидан тегишли ҳужжатлар расмийлаштирилиб, суд органларига юборилди.