Avtobus yo‘nalishlarida yo‘lovchilar tashish xavfsizligini ta’minlash va yo‘nalishlarni maqbullashtirish maqsadida, 2025-yil 1-sentabrdan boshlab 15-, 28- va 61-sonli avtobus yo‘nalishlari harakatiga qisman o‘zgartirishlar kiritildi. Bu haqda Toshkent shahar transport va yo‘l-transport infratuzilmasini rivojlantirish bosh boshqarmasi xabar berdi.

Yo‘nalishli avtobuslar harakatiga quyidagicha o‘zgartirishlar kiritilgan:

- 15-sonli avtobus yo‘nalishi

Qo‘yliq 1-mavzesidan Do‘stlik metrosi tomon harakatlanishda endilikda Qo‘yliq ko‘prik osti yo‘lidan ko‘prik yo‘liga qo‘shimcha yo‘l bo‘lagi orqali (Vodiy avtoturargohigacha bormagan holda) harakatlanadi.

- 28-sonli avtobus yo‘nalishi
 

Tibbiyot akademiyasidan Yangiobod mavzesi tomon harakatlanishda Shoximardon, Ohangaron yo‘li, Shoxsanam va Katta Yangiobod ko‘chalari orqali harakatlanadi. Yo‘nalish Katta Yangiobod ko‘chasida bir tomonlama harakatlanadi.

- 61-sonli avtobus yo‘nalishi

Endilikda ikki tomonlama Izzat ko‘chasi orqali (Beshariq, Aviasozlar va Hosiyat ko‘chalariga kirmagan holda) harakatlanadi.