O‘zbekiston Respublikasi Prezidenti Shavkat Mirziyoyevning Xitoyga rasmiy tashrifi doirasida mamlakatning sayyohlik imidjini oshirishga qaratilgan loyiha amalga oshirildi. Xususan, Pekin va Tyanjinning markaziy ko‘chalaridagi eng katta LED ekranlarda, sayyohlar va shahar aholisi ko‘p to‘planadigan joylarda O‘zbekistonning betakror sayyohlik yo‘nalishlari va boy madaniy merosi haqidagi 15 soniyalik yorqin videoroliklar namoyish etilmoqda. Bu haqda Turizm qo‘mitasi xabar berdi.

Suratlar tarmoq foydalanuvchilari orasida ham faol tarqaldi. Pekindagi mazkur targ‘ibot reklama taqiqlangan shahardan atigi bir kilometr narida joylashgan biznes markazi peshtoqidagi ekranda ko‘rsatilmoqda.

Shuningdek, Tyanjin shahrida ham Dayuechen savdo majmuasi peshtoqida O‘zbekistonning turizm salohiyatini aks ettiruvchi  roliklar ko‘rsatilmoqda.

Translyatsiyalar har kuni soat 08:00 dan 22:00 gacha har 4 daqiqada amalga oshiriladi.