Qishloq xoʻjaligi vazirligi tarmoqlarda tarqayotgan “1 kg paxta terimi uchun 1 800 soʻm pul toʻlanadi“ mazmunidagi xabarlarga javoban paxta terimining turli usullari uchun joriy yil uchun belgilangan narxlarni maʼlum qildi.

Unga koʻra:

- Mashina yordamida terilgan paxtaning 1 kg uchun – 1 373 soʻm;

- Qoʻl mehnati bilan terilgan paxtaning 1 kg uchun – 2 000 soʻm tavsiyaviy narx belgilangan boʻlib, terim vaqtida klaster, fermer xoʻjaligi rahbarlari va terimchilar oʻrtasida oʻzaro kelishuv asosida terim narxi mustaqil belgilash amaliyoti ham qoʻllaniladi;

- Shuningdek, paxta yetishtirish xarajatlarini qoplash maqsadida fermerlarga davlat byudjeti hisobidan 1 kilogramm paxta uchun 1 000 soʻm subsidiya ajratiladi.

Vazirlik shuningdek, paxta terimi narxlari jamoatchilikka faqat rasmiy axborot manbalari orqali yetkazilishini eslatib oʻtgan.