Tailand Konstitutsion sudi bosh vazir Pxetxongtxan Chinavatni axloq qoidalarini buzganlikda aybdor deb topdi. U egallab turgan lavozimidan chetlashtirildi, deb yozadi Kommersantʼ Bangkok Post nashriga tayanib.

Sud qaroriga koʻra, Chinavat Kombodja senati raisi Xun Sen bilan telefon suhbatida Tailand harbiy qoʻmondonini tanqid qilgan va u internetda tarqalib ketgan.

Suhbat 24-iyul kuni boshlanib, 5 kun davom etgan Tailand va Kombodja qurolli mojarosidan bir necha hafta avval boʻlib oʻtgan. Chinavat xonim tarqagan maʼlumotlar uchun uzr soʻrab, urushning oldini olishga harakat qilganini aytgan.

Chinavata xonim 1-iyuldan bosh vazir lavozimini tark etgan: u tergovgacha lavozimidan chetlashtirilgan. Birlamchi manba qayd etishicha, bosh vazirning sud qarori bilan lavozimidan chetlatilishi mamlakatda 17-yildan buyon beshinchi holat sanaladi.

Endi Parlament bu lavozim uchun yangi kandidat tanlashi kerak boʻladi.

Ma'lumot uchun, u sobiq bosh vazir Taksin Chinavatning kenja qizi bo‘lib, 2001-2005 va 2011-2014 yillarda bu lavozimda ishlagan otasi va xolasi Yinglak Chinavat izidan borgan. 2024-yildagi saylov natijalariga ko‘ra, u mamlakatni boshqargan ikkinchi ayol va bu lavozimni egallagan Chinavat oilasining uchinchi a’zosi edi.