2025-yilgi sentabr oyining birinchi oʻn kunligida asosan kam bulutli va quruq ob-havo boʻlishi kutilmoqda. Bu haqda Oʻzgidromet xabar berdi.

Sentabr – kuz faslining birinchi oyidir, ammo Oʻzbekistonda u koʻpincha ob-havo sharoiti jihatidan biroz yumshoqroq harorat fonida, yozga oʻxshash boʻlishi kuzatiladi.

Sentabr oyini baxmal mavsumi deb atash mumkin. Ertalablari tetiklantiruvchi salqinlik, iliq, ammo issiq boʻlmagan kunlar ob-havo sharoitini mamlakatimiz aholisi va mehmonlari uchun ayniqsa qulay qiladi.

Iqlimiy kuzatuv maʻlumotlariga koʻra, respublika hududining katta qismida oyning birinchi yarmida oʻrtacha kunduzgi harorat 30-33 darajani, oyning ikkinchi yarmida esa 26-29 darajani tashkil etadi.

Sentabr oyining eng iliq kunlarida termometr ustuni 35-37 darajagacha, janubda 39-40 darajagacha koʻtariladi.

Sentabr oyida respublika hududining katta qismida mutlaq maksimal harorat 37-40 darajani, shimolda, janubda va choʻl hududlarda baʻzi joylarda 41-43 darajani tashkil etadi.

Kechalari va erta tongda +15…+20 daraja boʻlgan haroratda tetiklantiruvchi salqinlik seziladi, kunduz kunlari esa quyosh nurlari havoni +35 darajagacha, ayrim kunlarda +37 darajagacha isitadi, deydi sinoptiklar.

Keyinchalik oyning oxirigacha harorat kechalari +15…+20 dan +8…+13 darajagacha, kunduz kunlari +30…+35 dan +20…+25 darajagacha oʻzgarib turishi kutilmoqda.

Sentabrda oʻrtacha oylik harorat meʻyor atrofida, baʻzi joylarda meʻyordan 1−1,5 darajaga yuqori boʻlishi kutilmoqda. Oyning ikkinchi yarmining ayrim kunlarida (1−2 kun) qisqa muddatli yomgʻir yogʻishi mumkin.