Prezident Shavkat Mirziyoyev ishtirokida yangi muzey qurilishiga oid marosim o‘tkazildi. Muzey maydoni 40 ming kvadrat metr, balandligi uch qavat bo‘ladi. Bino Xitoyning "CSCEC International Construction" kompaniyasi tomonidan quriladi.

Muzeyda bir vaqtning o‘zida 10 mingga yaqin eksponatni namoyish qilish imkoniyati yaratiladi. Bundan tashqari, to‘rt ming kvadrat metr maydonda konferensiya zallari, auditoriya va restoranlar, bolalar maydonchalari joylashadi. Uning tashqi qiyofasi aylana, to‘rt burchak va uch burchak shaklida bo‘lib, Sharq va G‘arb madaniyatini o‘zida uyg‘unlashtiradi. Majmua 3 qavatli muzey, 2 qavatli yerto‘la hamda yordamchi binolardan iborat bo‘ladi.

Muzey ishga tushsa, atrofidagi Abulqosim madrasasi, "Xalqlar do‘stligi" saroyi va Milliy bog‘ bilan bir joyda yaxlit me’moriy kompozitsiyaga aylanishi kutilmoqda.