26−27-avgust kunlari Yaponiya tashqi ishlar vaziri Takeshi Ivaya Oʻzbekistonda boʻladi. Bu haqda mamlakat TIV saytida eʼlon qilingan.

Oʻzbekistonga tashrif 26−27-avgust kunlari boʻlib oʻtishi haqida qayd etilgandi.

Bu uning Yaponiya tashqi ishlar vaziri sifatida mamlakatga soʻnggi uch yildagi birinchi tashrifi boʻlishi haqida soʻz borgan.

Vazir Markaziy Osiyoga safarini Qozogʻistondan boshladi. Ostonada Qozogʻiston prezidenti Qosim-Jomart Toqayev Yaponiya TIV rahbarini qabul qildi va Yaponiyani “Osiyodagi ishonchli va yaqin hamkor” deb atadi.

Oʻzbekistonga tashrif doirasida tashqi ishlar vaziri Baxtiyor Saidov bilan ikki tomonlama munosabatlarni mustahkamlash, “Markaziy Osiyo + Yaponiya” muloqot sammitini oʻtkazish va boshqa xalqaro masalalar boʻyicha uchrashuvlar oʻtkazish reja qilingan.

Shuningdek, Samarqand shahriga tashrif va viloyat hokimligi rahbariyati bilan uchrashuv oʻtkazilishi ham ma‘lum qilingan.