Maktabgacha va maktab ta'limi vazirligi maktablarda joriy o‘quv yilining boshlanish sanasini ma'lum qildi.

Unga ko‘ra, Respublika bo‘ylab barcha umumta'lim maktablarida yangi – 2025/2026-o‘quv yili dars jarayonlari joriy yilning 2-sentabr sanasi, seshanba kunidan boshlanadi.

Maktablardagi o‘quv jarayonining birinchi dars soatlarida “Vatan uchun, millat uchun, xalq uchun!” shiori ostida “Kelajak soati” darslari o'tkaziladi. Joriy yilda birinchi sinfga qabul qilinadigan 738 ming nafardan ortiq o‘quvchiga 12 nomdagi o‘quv qurollaridan iborat “Prezident sovg‘asi” tantanali topshiriladi.