Rossiyaning Novosibirsk shahrida og‘ir hayotiy vaziyatga tushib qolgan 8 nafar hamyurtimiz O‘zbekistonga qaytarildi.

Mazkur insonparvarlik ko‘magi yurtimizda 30-iyuldan 30-avgustgacha e’lon qilingan "Vatanga qaytarish" tadbiri doirasida O‘zbekistonning Novosibirsk shahridagi Bosh konsulxonasi va Migratsiya agentligi vakolatxonasi tomonidan amalga oshirildi.

Bosh konsulxona va Migratsiya agentligi vakolatxonasi ko‘magida yurtdoshlarimiz uchun aviachiptalar xarid qilindi.

Ular "Uzbekistan Airways" aviakompaniyasining "Novosibirsk-Toshkent" reysi bilan O‘zbekistonga kuzatib qo‘yildi.