18-avgust kuni soat 21:40 da ekskavator avtotransport haydovchisi tomonidan yerosti yuqori bosimli gaz quvuriga shikast yetkazilgan. Oqibatda oʻsha vaqtdan buyon Boʻka tumanida tabiiy gaz ta’minoti vaqtincha to‘xtatilgan. Bu haqda Hududgazning Toshkent filiali xabar berdi.

Qayd etilishicha, 12 512 ta aholi xonadonlari va 267 ta ulgurji isteʼmolchilar boʻlgan ushbu hududda gaz ta’minoti xodimlari tomonidan ta’mirlash ishlari olib borilmoqda. Ta’mirlash ishlari yakunlangach tabiiy gaz ta’minoti bosqichma-bosqich va xavfsizlik qoidalariga qatʼiy amal qilingan holda qayta tiklanadi.