Kichik halqa yo‘lining Qatortol ko‘chasidan Bunyodkor shox ko‘chasigacha bo‘lgan qismida kommunal xo‘jalik quvurlarini ta’mirlash ishlari olib borilayotganligi munosabati bilan ushbu manzil orqali harakatlanayotgan avtobus yo‘nalishlari harakatiga 2025-yil 18-avgust kunidan boshlab vaqtinchalik o‘zgartirishlar kiritiladi.

Jumladan:

▪️ 8, 34, 70, 99, 113, 114, 125, 131, 134, 135, 139-sonli yo‘nalishlar harakati Qatortol, Mehr, Bunyodkor ko‘chalari orqali bir tomonlama tashkil etiladi;

▪️ 41, 48, 69, 116-sonli yo‘nalishlar harakati Qatortol-2, Bunyodkor ko‘chalari orqali o‘zgartiriladi.

“Rekonstruksiya ishlari davomida ko‘chalardagi tirbandlik ortishi ehtimoli mavjud. Shunga ko‘ra, yo‘nalishlarga qo‘shimcha o‘zgartirishlar kiritilishi mumkin”, deyiladi xabarda.

Shuningdek, avtobuslarning harakat vaqti hamda oraliq vaqti rejadagidan uzoqroq bo‘lishi mumkinligi aytildi.