“El-yurt umidi” jamg‘armasi stipendiati, Kolorado davlat universiteti talabasi Mohinur Murodova The National Society of Collegiate Scholars (NSCS) tashkilotiga a’zo bo‘lishga taklif etildi.

Ma’lumot uchun, NSCS AQSHning eng iqtidorli talabalarini birlashtirgan yetakchi akademik tashkilotlaridan biri hisoblanadi. Unga faqat yuqori akademik natijalarga erishgan talabalar qabul qilinadi.

A’zolik faqat taklifnoma asosida va kursning eng yaxshi 20 foizlik talabalari qatoriga kirib, yuqori GPA ko‘rsatkichiga ega bo‘lganlargagina beriladi.

NSCS’da ishtirok etish nafaqat yuqori akademik darajani tasdiqlaydi, balki kasbiy amaliyot va boshqa imkoniyatlarga ham yo‘l ochib beradi.