Navoiyda ijodkor rassom Shohruh Suyunov tashabbusi bilan “Nazm va navo kechasi” tashkil etildi. Mazkur tadbir doirasida yurtdoshlar ishtirokida noyob sanʼat asari yaratildi.

Loyiha doirasida qatnashuvchilar maxsus tayyorlangan polotnoga oʻz barmoq izlarini qoldirish orqali buyuk shoir va mutafakkir Alisher Navoiy siymosini shakllantirdi. Tashkilotchilarning taʼkidlashicha, bunday ish nafaqat sanʼat namunasi, balki birdamlik va maʼnaviy merosga hurmat ramzi sifatida ham muhim ahamiyat kasb etadi.

Tadbir davomida sheʼriyat va musiqa namoyishlari ham boʻlib oʻtdi, mahalliy ijodkorlar oʻz asarlarini ishtirokchilarga taqdim etdi.