Migratsiya agentligi fuqarolarni xorijda ishlash uchun shoshma-shoshar qaror qabul qilmaslik haqida ogohlantirdi.

Xabarda ayrim blogerlar tarqatayotgan yolg‘on reklamalar orqali fuqarolar litsenziyasiz firmalarga ishonib aldanayotgani ta’kidlandi. Migratsiya agentligi bunday holatlarni qoralab, inflyuyenserlar, blogerlarni jamoatchilik oldida mas’uliyatli bo‘lishga chaqirdi.

Xorijda xavfsiz ishlash uchun faqat litsenziyaga ega agentliklarga murojaat qilish kerakligi va shartnomalarni diqqat bilan o‘qish shartligi aytib o‘tildi.

Qayd etilishicha, ishonchli e’lonlar faqatgina Migratsiya agentligining “Xorijda ish” telegram kanali va litsenziyaga ega Xususiy bandlik agentliklari kanallarida beriladi.