2026-yilda Toshkent, Buxoro va Urganch shaharlarida yangi aeroportlar qurilishini boshlash rejalashtirilmoqda. Bu haqda Iqtisodiyot va moliya vazirligining 2026−2028-yillarga mo‘ljallangan fiskal strategiyasida ma’lum qilindi.

Hujjatga ko‘ra, kelasi yil Toshkent, Buxoro va Urganch shaharlarida yangi xalqaro aeroportlar qurish bo‘yicha loyihalarni amalga oshirishga kirishish keltirib o‘tilgan.

Bundan tashqari, hokimiyat ichki havo yo‘lovchi tashishlar hajmini kamida 1,5 barobarga ko‘paytirish va aviatsiya xizmatlari bozorida raqobatli muhit yaratish maqsadida kamida 6 ta xalqaro aviakompaniyani jalb etishni ham rejalashtirmoqda.