Joriy yilning 30-iyul kuni soat 17:32 da Toshkent shahar Qo‘riqlash boshqarmasiga Yashnobod tumanidagi qo‘riqda bo‘lgan ofisdan tashvish xabari kelib tushgan.

Xabar asosida tezkor harakatlanuvchi guruh xodimlari voqea joyiga borib holatni o‘rganishganda, ushbu ofisda qorovul bo‘lib ishlovchi fuqaro M.M direktordan maoshini oshirishni talab qilib, bolta bilan jarohat yetkazishni aytib, qo‘rqitmoqchi bo‘lgani ma’lum bo‘lgan.

Fuqaro M.M.ga, qonunchilik bo‘yicha javobgarlik to‘g‘risidagi tushuntirishlar natijasida bolta va fuqaroning oldida bo‘lgan sumka ichidagi pichoq olib qo‘yilgan.

Holat bo‘yicha xodimlar tomonidan tegishli hujjatlar rasmiylashtirilib, ashyoviy dalillar bilan ko‘rib chiqish uchun sud organlariga jo‘natilgan.