Joriy yilda “O‘zbekiston xalq artisti Botir Zokirov xotirasini abadiylashtirish, uning ijodiy merosini chuqur o‘rganish va jahon miqyosida targ‘ib qilish chora-tadbirlari to‘g‘risida”gi Prezident qarori qabul qilindi.

Qarorga ko‘ra, Toshkent shahrida Botir Zokirov memorial muzeyi tashkil etiladi. Bundan tashqari, Botir Zokirov nomidagi davlat stipendiyasi ta’sis etililshi ko‘zda tutilgan.

2026-yildan boshlab, har ikki yilda bir marta estrada san’ati bo‘yicha Botir Zokirov nomidagi xalqaro ko‘rik-tanlovi o‘tkazib boriladi.

Shuningdek, Botir Zokirovning hayoti va ijodiga bag‘ishlangan badiiy film yaratilishi ham qayd etilgan.