Endi bino va inshoatlarda oʻrnatilgan, doimiy ravishda foydalanishda boʻlgan liftlar 12 oydan oshmagan muddatda kamida 1-marta texnik koʻrikdan oʻtkazilishi shart. Bu haqda Huquqiy axborot telegram kanalida maʼlum qilindi.

Yangi oʻrnatilgan va foydalanishgatopshirilgan har qanday lift pudratchisining murojaatiga binoan 10 ish kunidan kechiktirmay ixtisoslashgan tashkilot tomonidan amalga oshiriladi.

Texnik koʻrik natijalarining toifasiga qarab, liftlarga yorliqlar yopishtiriladi:

• yashil yorliq — liftning foydalanishga yaroqliligini bildiradi
• moviy yorliq — liftning qisman nosozligini
• qizil yorliq — liftning foydalanish uchun xavfli ekanini
• sariq yorliq boʻlsa lift nosozligini anglatadi.

Shunga binoan, qizil yorliq yopishtirilgan liftlardan foydalanish taqiqlanishi zarur boʻladi.