Air China aviakompaniyasi Xitoy va Oʻzbekiston oʻrtasidagi aviatsiya hamkorligini mustahkamlash yoʻlida Urumchi — Toshkent — Urumchi yoʻnalishida toʻgʻridan-toʻgʻri reyslarni yoʻlga qoʻydi. Bu haqda Uzbekistan Airports matbuot xizmati xabar berdi.

22-iyul kuni soat 12:50 da ushbu yoʻnalish boʻyicha birinchi reys Toshkent xalqaro aeroportiga kelib qoʻndi. Boeing-737 samolyotida yetib kelgan ekipaj va yoʻlovchilar anʼanaga koʻra suv arkasi, gullar bilan, bayramona muhitda kutib olindi.

Taʼkidlanishicha, qatnovlar haftada uch marta — seshanba, juma va yakshanba kunlari amalga oshiriladi.