21-iyul kuni Oʻzbekiston Jahon savdo tashkilotiga aʼzo boʻlish yoʻlida Shveysariya hukumati bilan Jenevada boʻlib oʻtgan muzokaralarni ikki tomonlama protokolni imzolagan holda muvaffaqiyatli yakunladi. Bu haqda Shavkat Mirziyoyevning Jahon savdo tashkiloti masalalari boʻyicha maxsus vakili Azizbek Oʻrunov LinkedIn sahifasida maʼlum qildi.

Unga koʻra, marraga erishish uchun bir nechta mamlakat qolgan, biroq ularning sonini ochiqlanmagan.

“Bajarilgan katta va konstruktiv ish uchun ikkala jamoaga — O‘zbekiston va Shveysariya jamoalariga minnatdorlik bildirmoqchiman. Uzun ro‘yxat tugadi, orqaga sanash boshlandi!” — deb yozadi Azizbek Urunov.

Shu tariqa, Oʻzbekistonning JSTga kirishi boʻyicha 25 ta mamlakat bilan muzokaralari oxiriga yetkazildi.