2025-yil uchun Barqaror rivojlanish maqsadlari indeksida Oʻzbekiston 73 ball toʻplab, 62-oʻrinni egalladi. Ushbu reyting BMTning Barqaror rivojlanish yechimlari tarmogʻi (Sustainable Development Solutions Network (SDSN)) hamda xalqaro ekspertlar tomonidan tuzilib, eʼlon qilindi.

Mazkur hisobotda BMTga aʼzo davlatlarning maqsadlarga erishishi boʻyicha yangilangan indeks taqdim etilgan. Ushbu reyting mustaqil baholash asosida har yili mamlakatlarning taraqqiyot darajasini aniqlash bilan tayyorlanadi.

Oʻtgan 2024-yil bilan qiyoslaganda 19 pogʻonaga koʻtarilgan Oʻzbekiston 2015-yildan boshlab Markaziy Osiyo va Sharqiy Yevropa davlatlari orasida eng tez rivojlanayotgan mamlakat sifatida eʼtirof etilgan.