Gruziyaning Batumi shahrida ayollar o‘rtasida bo‘lib o‘tayotgan FIDE Jahon kubogi bahslarida Umida Omonova musobaqa tarixida rekord natija ko‘rsatdi.

19 yoshli o‘zbekistonlik shaxmatchi dunyo reytingi bo‘yicha 90-o‘rinni egallab turgan bo‘lishiga qaramay, Jahon kubogining 1/8 finaligacha yetib bordi va bu natija orqali eng past reyting bilan Jahon kubogi 1/8 finaliga yo‘l olgan shaxmatchiga aylandi.

Ma’lumot uchun, Omonova dastlabki uchta o‘yinda fransiyalik Sofi Mile, polshalik Alina Kashlinskaya va qozog‘istonlik Elnaz Kaliaxmetlarni taslim etgan.

Keyingi, to‘rtinchi bosqichda u dunyo reytingida 3-o‘rinni egallab turgan Tingji Liga qarshi bahs yuritdi va imkoniyatni boy berdi.

Umida Omonova ushbu musobaqada 9500 AQSH dollari ishlab oldi.