Kiberxavfsizlik markazi mutaxassislari tomonidan zamonaviy tahdidlarga qarshi kurashish va zararli dasturlarni aniqlash maqsadida maxsus mobil ilova ishlab chiqildi.

Yangi dasturiy ta’minotning muhim jihatlaridan biri shundaki, u oflayn rejimda ham ishlaydi. Bu esa foydalanuvchilarga doimiy internet aloqasiga ehtiyoj sezmasdan qurilmalarini xavfsiz saqlash imkonini beradi.

Xabarga ko‘ra, ilova har 15 daqiqada o‘rnatilgan ilovalarni avtomatik tarzda tekshiradi va xavfli ruxsatga ega ilovalar haqida foydalanuvchini bildirishnoma (notification) orqali ogohlantiradi.