Qoraqalpog‘iston Respublikasining Taxiatosh va Qorao‘zak tumanlarida ham 16–18-iyul kunlari barcha davlat maktabgacha ta’lim tashkilotlarining faoliyati vaqtincha to‘xtatildi.

Bu borada 15-iyul kuni tuman hokimlarining tegishli qarorlari qabul qilingan. Unda 16—18-iyul kunlari havo haroratining 40 darajadan oshishi sababli, issiq haroratning bolalar salomatligiga salbiy ta’sirini oldini olish maqsadida tuman hududidagi barcha davlat va nodavlat maktabgacha ta’lim tashkilotlari ish foaliyati vaqtincha to‘xtatilishi belgilangan.

Avvalroq Qoraqalpog‘istonning Xo‘jayli tumani hududidagi barcha davlat maktabgacha ta’lim tashkilotlarining faoliyati vaqtincha to'xtatilgani haqida xabar bergandik.