Oila va xotin-qizlar qo‘mitasi raisiga o‘rinbosarlar tayinlandi. Bu haqda qo‘mita axborot xizmati xabar bermoqda.

Ta’kidlanishicha, bugun Oila va xotin-qizlar qo‘mitasida Oliy Majlis Senati Raisi Tanzila Narbayeva ishtirokida yig‘ilish o‘tkazilgan. “Yig‘ilishda O‘zbekiston Respublikasi Prezidentining tegishli qarori bilan lavozimga tayinlangan Qo‘mita raisining birinchi o‘rinbosari – Abdullayeva Umida Hazratovna, Qo‘mita raisi o‘rinbosari Nurmatova Mukarram Axmedovnalar jamoaga tanishtirildi”, deyiladi xabarda.