Oʻzbekiston Respublikasi Prezidenti Shavkat Mirziyoyev Moʻgʻuliston Prezidenti Uxnaagiyn Xurelsuxning taklifiga binoan rafiqasi bilan birga davlat tashrifi bilan ushbu mamlakatga keldi. Bu haqda prezident Matbuot xizmati xabar berdi.

Davlatimiz rahbarini Moʻgʻuliston tashqi ishlar vaziri Batmunx Batseseg va boshqa rasmiy shaxslar kutib oldi. Ikki mamlakat bayroqlari bilan bezatilgan “Buyant-Uxaa” aeroportida oliy martabali mehmonlar sharafiga faxriy qorovul saf tortdi. Tashrif dasturiga muvofiq, bugun oliy darajadagi Oʻzbekiston-Moʻgʻuliston muzokaralari boʻlib oʻtadi.