Yoshlar ishlari agentligi tomonidan yosh ijodkorlarni qoʻllab-quvvatlash, ularning isteʻdodini roʻyobga chiqarish maqsadida tashkil etilgan “Duel” adabiy tanlovining final bosqichi boʻlib oʻtdi.

Yakuniy bosqichda respublikaning turli hududlaridan yetib kelgan iqtidorli yoshlar oʻz ijod namunalari bilan ishtirok etdi va hakamlar tomonidan gʻoliblar aniqlandi. Unga koʻra,

Kattalar sheʻriyati yoʻnalishi boʻyicha:

— Madina Norchayeva 1-oʻrinni egalladi va 50 million soʻm pul mukofoti bilan taqdirlandi;

— Azizbek Yusupov 2-oʻringa loyiq deb topilib, 40 million soʻm mukofotiga sazovor boʻldi.

Bolalar sheʻriyati yoʻnalishi boʻyicha:

— Shamshoda Hamdamova 1-oʻrinni egalladi va 50 million soʻm pul mukofoti bilan taqdirlandi;

— Sardor Saʻdullayev 2-oʻringa loyiq deb topilib, 40 million soʻm mukofotiga sazovor boʻldi.

Tanlovda qatnashgan barcha ishtirokchilar noutbuk hamda sertifikat bilan taqdirlandi.