Malayziyaning yetakchi oliy taʻlim muassasalari Oʻzbekistonga qiymati 20 ming AQSh dollarga teng boʻlgan ingliz tilidagi oʻquv va ilmiy adabiyotlar koʻrinishidagi texnik koʻmakni sovgʻa qildi.

Bu Oʻzbekiston elchixonasi va Malayziyaning MARA Texnologiya universiteti oʻrtasida oʻtkazilgan muzokaralar natijasida erishilgan kelishuvga muvofiq amalga oshirildi.

500 ga yaqin, jumladan, muhandislik, tibbiyot, moliya-iqtisod, kimyo-biologiya, matematika va kompyuter texnologiyalari kabi yoʻnalishlarga oid ingliz tilidagi adabiyotlar Uzbekistan Airways aviakompaniyasi koʻmagida Oʻzbekistonga yuborildi.