Davlat rahbari safar davomida qashqadaryolik faollar bilan shahar va qishloqlardagi oʻzgarishlar, aholi hayoti, bugungi tinchlik qadri haqida gaplashgan.

Prezident iqtisodiyot rivoji, aholi kayfiyatida yoʻllarning ahamiyati yuqori ekanini taʻkidlab, bu borada mutasaddilarga topshiriqlar berdi. Oxirgi 2-yilda Oʻzbekistonda 40 ming kilometr yoʻl va 540 ta koʻprik taʻmirlangan. Bu yil Qashqadaryoda jami 100 kilometr magistral yoʻllar taʻmirlanishi rejalashtirilgan. Bu loyihalarni tezlashtirish, yoʻl boʻylarini obodonlashtirish boʻyicha koʻrsatmalar berildi.

Nuroniylar bu oʻzgarishlarni xalq oʻz hayotida sezayotgani, islohotlarga yuqori baho berayotganini aytgan.