O‘zbekistondagi temiryo‘l vokzallari, jumladan, Toshkentdagi Markaziy (Shimoliy) vokzalidagi to‘siqlar va nazorat o‘tkazish punktlari olib tashlandi. Bu haqda “O‘zbekiston temir yo‘llari” matbuot xizmati xabar berdi.

Endilikda yo‘lovchilardan vokzalga kirishda chipta va hujjatlarni ko‘rsatishi talab etilmaydi. Yangi tizim bo‘yicha yagona tekshiruv vokzal binolari ichida o‘tkaziladi – u yerda rentgen apparati yordamida faqat bagaj tekshiriladi.

Bundan tashqari, Toshkentning Markaziy (Shimoliy) vokzalidagi platformalarga chiqishda eskalator paydo bo‘ldi. Bunday yuk ko‘taruvchi mashinalarni boshqa stansiyalarda ham qurish rejalashtirilgan.

Kompaniya xavfsizlik choralari saqlanib qolayotganini, biroq yo‘lovchilar uchun qulaylik va xalqaro tajribani hisobga olgan holda qayta ko‘rib chiqilganini ta’kidladi.

“Biz bunga bosqichma-bosqich boryapmiz. Bu o‘zgarishlardan ko‘zlangan maqsad yo‘lovchilar uchun yanada qulay shart-sharoitlar yaratish, navbatlarni kamaytirish va bekatlarda xizmat ko‘rsatish samaradorligini oshirishdan iborat”, – dedi O‘TY.