Fransiya prezidenti Emmanuel Makron agar Yevroittifoq 15 yoshdan kichik bolalarga ijtimoiy tarmoqlardan foydalanishni cheklamasa, buni Fransiya hukumati taqiqlashini maʼlum qildi. Bu haqda Meduza Le Figaro nashriga tayanib xabar berdi.

Mazkur fikrni Makron Nojan-Syur-Mar shahridagi maktabda oʻquvchi maktab xodimasiga pichoq bilan tashlangan holatiga izoh berayotib aytib oʻtgan. Unga koʻra, Yevroittifoq bir necha oy ichida tegishli qarorni qabul qilishi kerak.

“Aks holda, biz buni Fransiyada amalga oshiramiz. Biz kuta olmaymiz”, – deydi Makron.