“Uzbekkosmos” agentligi direktor oʻrinbosari Muhiddin Ibragimov Kazinform xalqaro axborot agentligiga maʼlum qilishicha, Oʻzbekiston 2028-yilgacha ilk milliy ilmiy-texnikaviy sunʼiy yoʻldoshini orbitaga chiqarishni rejalashtirmoqda.

Loyiha doirasida yetti nafar oʻzbekistonlik talaba Yaponiyaning Qyushu Texnologiya institutida tahsil olib, sunʼiy yoʻldosh yaratish va uchirish boʻyicha bilim va tajribaga ega boʻladi. Taʼlim 2027-yilgacha yakunlanib, undan soʻng kosmosga uchirishga tayyorgarlik bosqichi boshlanadi.

Ayni paytda AQSHning “SpaceX” kompaniyasi bilan muzokaralar olib borilmoqda. Chunki orbitaga chiqish uchun oldindan joy band qilish talab etiladi.