8-iyun kuni rasmiy tashrif bilan O‘zbekistonga kelgan Slovakiya Respublikasi Bosh vaziri Robert Fitso 9-iyun kuni Koʻksaroy qarorgohida rasmiy kutib olindi. Bu haqda Prezident matbuot xizmati xabar berdi.

Axborot matnida qayd etilishicha, qarorgoh oldidagi maydonda faxriy qorovul saf tortgan. Prezident Shavkat Mirziyoyev oliy martabali mehmonni samimiy qarshi olib, shohsupaga taklif etgan. Harbiy orkestr ijrosida Oʻzbekiston va Slovakiya davlat madhiyalari yangragan. Yetakchilar faxriy qorovul safi oldidan oʻtib, rasmiy delegatsiyalar aʼzolarini qutladi. Birgalikda suratga tushilgach, oliy darajadagi muzokaralar boshlandi.