Turkiyaning Oʻzbekistondagi elchixonasi qoshida maktab ochiladi. Bu haqda Adliya vazirligining e-qaror yagona elektron tizimida qayd etilgan.

Mazkur qaror borasida ikki davlat rahbariyatining oliy darajadagi uchrashuvlarida kelishuvga erishilgan.

Maktab binosini qurish uchun Toshkent shahar hokimligi Shayxontohur tumani Koʻhota mahallasidan Maktabgacha va maktab taʼlimi vazirligiga 31 sotix yer uchastkasi ajratib bergan.

Shahar hokimligi, shuningdek, Mirzo Ulugʻbek tumani “Jasorat” mahallasidan 2,5 gektar yer uchastkasini Xorijiy tillarga ixtisoslashtirilgan maktab-internat binosini qurish uchun ajratib bergan.