Qirg‘iziston Respublikasida o‘tkazilgan VIII Butunjahon “Dunyo xalqlari eposi” festivali davomida filologiya fanlari doktori, professor Jabbor Eshonqul Qirg‘iziston Manas akademiyasi akademigi, Qirg‘iz respublikasida xizmat ko‘rsatgan madaniyat xodimi unvoni bilan taqdirlandi.

Jabbor Eshonqul 1965-yili Qashqadaryo viloyatining Qamashi tumanida tavallud topgan. 1996-yili  “O‘zbek folklorida dev obrazi va uning badiiy talqini” mavzusida nomzodlik dissertatsiyasini himoya qilgan.

“O‘zbek folklorida tush va uning badiiy talqini” doktorlik dissertatsiyasini yoqlagan. “Folklor: obraz va talqin”, “O‘zbek folklorida tush va uning badiiy talqini” kitoblari muallifi.

Hozirda Jabbor Eshonqul Alisher Navoiy nomidagi davlat adabiyot muzeyi direktori boʻlib ishlaydi.