Xanti-Mansilar muxtor okrugi parlamentida soʻnggi majlis chogʻida deputat Xolid Tagizadening bayonoti katta muhokamalarga sabab boʻldi.

Unga koʻra, Oʻzbekistondan ushbu hududga kelayotgan migrantlar aslida oʻz ajdodlarining vataniga qaytmoqda.

Deputat taʼkidlashicha, bu yerlar ilgari Sibir xonligi tarkibida boʻlgan va uning soʻnggi hukmdori Shayboniylar sulolasidan chiqqan Kuchumxon edi. Shu bois, u hozirgi oʻzbeklarni oddiy mehnat muhojirlari emas, balki tarixiy merosxoʻrlar sifatida koʻrish kerak.

Parlament raisi bu mavzudagi muhokamani toʻxtatishga uringan. Biroq Tagizade nutqi bilan Sibir va Markaziy Osiyo oʻrtasidagi tarixiy bogʻliqlik masalasini yana kun tartibiga olib chiqdi.