Bugun, 30-may kuni O‘zbekiston Respublikasi Prezidenti Qozog‘istonga tashrif buyuradi.

U yerda Shavkat Mirziyoyev Qozog‘iston Respublikasi Prezidenti Qasim-Jomart Toqayevning taklifiga binoan Ostona shahrida bo‘lib o‘tadigan “Markaziy Osiyo – Italiya” formatidagi oliy darajadagi sammitda ishtirok etadi.

Xabarda yozilishicha, tadbirda mintaqa mamlakatlari yetakchilari va Italiya Bosh vaziri ishtirok etishi ko‘zda tutilgan.

Kun tartibidan ko‘p qirrali hamkorlikni, eng avvalo “yashil” iqtisodiyot, investitsiya, innovatsiya, fan va ta’lim sohalarida yanada rivojlantirish masalalari o‘rin olgan.