27-may kuni Namangan viloyati hokimligida yigʻilish boʻlib oʻtdi. Bu haqda Namangan viloyati hokimligi Axborot xizmati xabar berdi.

Qayd etilishicha, yigʻilishda Namangan viloyati hokimining yoshlar siyosati, ijtimoiy rivojlantirish hamda maʼnaviy-maʼrifiy ishlar boʻyicha yangi oʻrinbosari – Bazarov Otabek Xasanboyevich jamoatchilikka tanishtirilgan.

O. Bazarov mazkur tayinlovga qadar Oliy taʼlim, fan va innovatsiyalar vazirligi Ilm-fan va innovatsion faoliyatni rivojlantirish boshqarmasi boshligʻi lavozimida faoliyat yuritgan.

Namangan viloyati hokimi Shavkatjon Abdurazzoqov yangi oʻrinbosarga masʼuliyatli vazifasida muvaffaqiyatlar tilab, undan yoshlar bilan samarali ishlash, maʼnaviy-maʼrifiy faoliyatni yangi bosqichga olib chiqish borasida yuqori natijalar kutilayotgani taʼkidlandi.