Joriy yilning 9–22 iyun kunlari Tatariston poytaxti Qozon shahrida NAURUZ-2025 xalqaro teatr festivali bo‘lib o‘tadi.

Mazkur tadbirda Sirdaryo viloyati musiqali teatri O‘zbekiston nomidan qatnashadi.

Festivalda shuningdek Rossiya (Tatariston, Boshqirdiston, Oltoy, Yoqutiston), Qirg‘iziston, Qozog‘iston, Ozarbayjondan jami 15 dan ortiq teatr jamoalari ishtirok etadi.

Xabarga ko‘ra, tadbirning maxsus dasturida Janubiy Afrika Respublikasi, Gretsiya, Turkiya, Kolumbiya va Rossiya teatrlarining spektakllari o‘rin olgan.

Sirdaryo viloyati musiqali teatri esa 15-iyun kuni Usmon Azim qalamiga mansub “Alpomish” spektaklini namoyish qiladi. Asarni sahnalashtiruvchi rejissyor – Valijon Umarov.