O‘zbekistonda 2024-yilda tug‘ilishda kutilayotgan umr ko‘rish davomiyligi 75,1 yoshni tashkil etdi.

Milliy statistika qo‘mitasi ma’lumotlariga ko‘ra, tug‘ilishda kutilayotgan umr ko‘rish davomiyligi bo‘yicha eng yaxshi ko‘rsatkich Toshkent shahrida kuzatilishi kutilmoqda. Jumladan, bu hududda 2024-yilda tug‘ilganlarning umr davomiyligi 76,8 yosh bo‘lishi mumkin.

Keyingi o‘rinda Farg‘ona viloyati joy olgan – 76,6 yosh.

Eng yuqori uchlikni Buxoro viloyati yakunlagan – 76,3 yosh.

Qolgan viloyatlarda tug‘ilishda kutilayotgan umr ko‘rish davomiyligi quyidagicha:

▪️ Jizzax viloyati – 76 yosh;

▪️ Navoiy viloyati – 75,8 yosh;

▪️ Toshkent viloyati – 75,1 yosh;

▪️ Samarqand viloyati – 74,8 yosh;

▪️ Namangan viloyati – 74,6 yosh;

▪️ Xorazm viloyati – 74,6 yosh;

▪️ Qashqadaryo viloyati – 74,4 yosh;

▪️ Surxondaryo viloyati – 74 yosh;

▪️ Andijon viloyati – 73,7 yosh;

▪️ Qoraqalpog‘iston Respublikasi – 73 yosh;

▪️ Sirdaryo viloyati – 72,2 yosh.

Oldinroq O‘zbekiston aholisining o‘rtacha yoshi ma’lum qilingan edi.